சமூகநீதி, சாதியஒழிப்பு, பெண்உரிமை, பகுத்தறிவு போன்றவைகளுக்காக மிகப்பெரிய அளவில் போராட்டம் நடத்திய ஒரு மிகச்சிறந்த ஆளுமைதான் தந்தை பெரியார். உண்மையை எளிமையான உதாரணங்களுடன் சொல்வது சுயமரியாதை சுடர் தந்தை பெரியாருக்கு இணை யாருமில்லை என்றுதான் சொல்லவேண்டும். வரலாற்றில் நடந்த சம்பவம் ஒன்றை நாம் காணலாம்.
பார்ப்பணர்கள் பெரியார் மீது வன்மம் கொண்டிருப்பதில் ஆச்சரியமில்லை..!
ஆனால், ஏன் அவர்களுக்கு இவ்வளவு கோபம் என்பதை பெரியாரே இப்படி எளிமையாக விளக்குவார்..!
"ரயில்ல முதல்ல ஏறுகிறவனுக்கு சீட்டு ஈசியா கிடைக்கும்.அதனால அவன் உட்க்காருவதற்கு பதிலா படுத்துட்டு நல்லா சொகுசா வருவான்..
அடுத்த ஸ்டேஷன்ல கூட்டம் கூடிடும். புதுசா வந்தவன், படுத்துக்கொண்டிருந்த பழைய ஆள எழுந்து உட்காருங்க ன்னு சொல்லுவான்..படுத்து சொகுசா வந்தவரும் வேற வழியில்லாம எழுந்துருவாரு..
ஆனாலும், சொகுசா வந்தவருக்கு, எழுப்பி விட்டவன் மேல ஒரு கோவம் இருந்துட்டே இருக்கும்..!
மேல கை படுது, கால் படுது ன்னு எதாவது சொல்லி எழுப்பிவிட்டவர் மேல கோவத்த காட்டுவாரு..!
ஒரு அரைமணிநேரம் சொகுசா படுத்து வந்தவனுக்கே, அந்த சொகுசு போனவுடனே எழுப்பி விட்டவன் மேல கோவம் வருதே, 2000 வருஷமா சொகுசா இருந்தவனையில்லயா நாம எழுப்பி உக்கார வச்சிருக்கோம்,
அவனுக்கு எவ்வளவு கோவம் இருக்கும்,நம்மள திட்டத்தானே செய்வான்"
என்று இயல்பான நடையில் பெரியார் விவரித்திருப்பது ஆச்சரியத்தை ஏற்படுத்துகிறது.
No comments:
Post a Comment